കൊച്ചി: നടനും മിമിക്രി താരവുവുമായ കലാഭവന്‍ അബി അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. രക്തത്തിലെ പ്ലേറ്റ്‌ലെറ്റ് കുറയുന്നതുമായി ബന്ധപ്പെട്ട അസുഖത്തെ തുടര്‍ന്നു ദീര്‍ഘനാളായി ചികില്‍സയിലായിരുന്നു.

മിമിക്രി സ്റ്റേജ് ഷോകളിലൂടെ ശ്രദ്ധേയനായ അബി സിനിമയിലും സജീവമായിരുന്നു. മഴവില്‍ക്കൂടാരം, സൈന്യം, കിരീടമില്ലാത്ത രാജാക്കന്മാര്‍, മിമിക്‌സ് ആക്ഷന്‍ 500, അനിയത്തിപ്രാവ്, രസികന്‍ തുടങ്ങി അന്‍പതിലേറെ സിനിമകളില്‍ വേഷമിട്ടു. മിമിക്രി എന്ന കലാരൂപത്തെ ജനപ്രിയമാക്കിയതില്‍ അബിയുടെ പങ്ക് ചെറുതല്ല. ആമിനത്താത്ത എന്ന കഥാപാത്രം മലയാളികള്‍ക്കു മറക്കാനാവാത്തതാണ്.

കലാഭവനിലും ഹരിശ്രീയിലും കൊച്ചിന്‍ സാഗറിലും ആര്‍ട്ടിസ്റ്റായി പ്രവര്‍ത്തിച്ചു. യുവനടന്‍ ഷെയ്ന്‍ നിഗം മകനാണ്. ഭാര്യ സുനില. മറ്റു മക്കള്‍:അഹാന, അലീന