ചെന്നൈ: ആര്‍.കെ നഗര്‍ ഉപതെരഞ്ഞെടുപ്പില്‍ പാര്‍ട്ടി പ്രസീഡിയം ചെയര്‍മാന്‍ ഇ. മധുസൂദനന്‍ അണ്ണാ ഡി.എം.കെ സ്ഥാനാര്‍ഥി. ചെന്നൈയില്‍ ചേര്‍ന്ന പാര്‍ട്ടി ഉന്നതാധികാര സമിതിയാണ് ഒ.പി.എസിന്റെ വിശ്വസ്തനായ മധുസൂദനനെ സ്ഥാനാര്‍ഥിയായി തെരഞ്ഞെടുത്തത്.

ഏപ്രിലില്‍ റദ്ദാക്കിയ ഉപതിരഞ്ഞെടുപ്പില്‍ ഒപിഎസ് പക്ഷത്തിനു വേണ്ടി രംഗത്തുണ്ടായിരുന്നതു മധുസൂദനനായിരുന്നു.

അതേസമയം, ശശികല പക്ഷത്തിന്റെ സ്ഥാനാര്‍ഥിയായി ടി.ടി.വി ദിനകരന്‍ മത്സരിക്കുമെന്ന് നേരത്തെ അറിയിച്ചിരുന്നു. ശശികല വിഭാഗം മുതിര്‍ന്ന നേതാവ് എസ്. അന്‍പഴകനാണ് ദിനകരന്റെ സ്ഥാനാര്‍ഥിത്വം പ്രഖ്യാപിച്ചത്. ആര്‍കെ നഗര്‍ ഏരിയ സെക്രട്ടറി മരുധു ഗണേഷാണ് ഡി.എം.കെ സ്ഥാനാര്‍ഥി.

ഡിഡംബര്‍ 21 നാണ് ആര്‍.കെ നഗറില്‍ ഉപതെരഞ്ഞെടുപ്പ് നടക്കുന്നത്.