നാദാപുരം: വീട്ടില്‍ തീയിട്ടതിനെ തുടര്‍ന്ന് നോട്ടുകെട്ടുകള്‍ കത്തിനശിച്ചു. കഴിഞ്ഞ ദിവസം കൊല്ലപ്പെട്ട അസ്‌ലമിന്റെ മരണാനന്തര ചടങ്ങില്‍ പങ്കെടുത്തു മടങ്ങിയ സംഘത്തിലെ സാമൂഹ്യദ്രോഹികള്‍ വീടാക്രമിച്ചു നാശനഷ്ടം വരുത്തിയ കുമ്മങ്കോട്ടെ കളമുള്ളതില്‍ മനോജിന്റെ വീട്ടിലെ അലമാരയില്‍ സൂക്ഷിച്ച 1,80,000 രൂപയുടെ ആയിരം രൂപാ നോട്ടുകളാണു കത്തിച്ചാമ്പലായത്.
പണം അടുത്ത ദിവസം നടക്കുന്ന സ്ഥലമിടപാടിനു വേണ്ടി കൊടുക്കാന്‍ വീട്ടിലെ അലമാരയില്‍ സൂക്ഷിച്ചതായിരുന്നു. കഴിഞ്ഞ ദിവസം അഞ്ചു മണിയോടെ വീട്ടിലേക്ക് അതിക്രമിച്ചുകയറിയ അക്രമികള്‍ തീയിടുകയായിരുന്നു. അലമാരയില്‍ സൂക്ഷിച്ച മറ്റു സാധനങ്ങള്‍ക്കൊപ്പം നോട്ടുകളും തീപിടിച്ചു നശിക്കുകയായിരുന്നു.