പ്യോങ്‌യാങ്: അമേരിക്കന്‍ പ്രസിഡന്റ് ഡൊണാള്‍ഡ് ട്രംപും അദ്ദേഹത്തിന്റെ ഭരണകൂടവും ആണവയുദ്ധം ഇരന്നുവാങ്ങുകയാണെന്ന് ഉത്തര കൊറിയ. കൊറിയന്‍ വിദേശകാര്യ മന്ത്രാലയമാണു വാര്‍ത്താകുറിപ്പില്‍ അമേരിക്കയ്ക്കു മുന്നറിയിപ്പുമായി രംഗത്തെത്തിയിരിക്കുന്നത്.തീര്‍ത്തും അപകടകരമായ ആണവ മത്സരമാണ് കൊറിയന്‍ ഉപദ്വീപില്‍ ട്രംപ് നടത്തിക്കൊണ്ടിരിക്കുന്നത്.
ട്രംപ് ആണവപ്പിശാചാണ്. അവര്‍ സ്വയം ഒരു ആണവയുദ്ധം ഇരന്നുവാങ്ങുകയാണ്-വാര്‍ത്താകുറിപ്പില്‍ വിദേശകാര്യ മന്ത്രാലയം വക്താവ് ആഞ്ഞടിച്ചു.സിയൂളില്‍ യു.എസ്-ദ.കൊറിയ സംയുക്ത സൈനികാഭ്യാസം നാളെ തുടങ്ങാനിരിക്കെയാണ് ഉ.കൊറിയയുടെ പ്രകോപനം.