തെഹ്‌റാന്‍: വിദേശകാര്യ മന്ത്രി സുഷമാ സ്വരാജ് ഇറാനില്‍. റഷ്യന്‍ സന്ദര്‍ശനത്തിനു ശേഷം തിരിച്ചുവരുന്ന വഴിക്കാണ് അവര്‍ തെഹ്‌റാനില്‍ ഇറങ്ങിയത്.
ഇറാന്‍ വിദേശകാര്യ മന്ത്രി ജവാദ് ശരീഫുമായി സുഷമ കൂടിക്കാഴ്ച നടത്തുകയും ചെയ്തു.
ഇറാന്‍ സന്ദര്‍ശനം നേരത്തെ സുഷമയുടെ യാത്രാപദ്ധതിയിലുണ്ടായിരുന്നില്ല.
ഇറാനിലെ ബലൂചിസ്താന്‍ പ്രവിശ്യയിലുള്ള ചബഹാര്‍ തുറമുഖം വികസന പദ്ധതിയുടെ ആദ്യഘട്ട ഉദ്ഘാടനത്തിന്റെ മുന്നോടിയായാണു സന്ദര്‍ശനം. ഇറാന്‍ പ്രസിഡന്റ് ഹസന്‍ റൂഹാനി ഉദ്ഘാടനം ചെയ്യുന്ന ചടങ്ങില്‍ സുഷമയും പങ്കെടുക്കും.
പരമ്പരാഗതമായും നാഗരികമായും ഇരുരാഷ്ട്രങ്ങളും തമ്മില്‍ തുടര്‍ന്നുവരുന്ന ബന്ധം ഉറപ്പാക്കാന്‍ കൂടിക്കാഴ്ചയില്‍ ഇരുനേതാക്കളും തീരുമാനിച്ചതായി വിദേശകാര്യ മന്ത്രാലയം വക്താവ് രവീഷ് കുമാര്‍ പറഞ്ഞു.