തിരുവനന്തപുരം: ഓഖി ചുഴലിക്കാറ്റിനെക്കുറിച്ച് ജനങ്ങള്‍ക്ക് മുന്നറിയിപ്പ് നല്‍കുന്നതില്‍ സംഥാന സര്‍ക്കാര്‍ പരാജയപ്പെട്ടെന്ന ആരോപണത്തിനിടെ ചീഫ് സെക്രട്ടറിക്കും റവന്യൂ സെക്രട്ടറിക്കുമെതിരേ ആഞ്ഞടിച്ച് മുന്‍ ഐ.എ.എസ് ഉദ്യോഗസ്ഥന്‍ കെ സുരേഷ്‌കുമാര്‍.

ദുരന്തനിവാരണസമിതി അംഗങ്ങളായചീഫ് സെക്രട്ടറി കെ.എം എബ്രാഹിമിനേയും റവന്യൂ സെക്രട്ടറി പി.എച്ച് കുര്യന്റേയും കഴുത്തിന് പിടിച്ച് കരണക്കുറ്റിക്ക് ഒന്ന് പൊട്ടിക്കാന്‍ മലയാളികള്‍ ആരുമില്ലേയെന്നാണ് തന്റെ ഫേസ്ബുക്ക് പോസ്റ്റിലൂടെ സുരേഷ്‌കുമാര്‍ ചോദിച്ചത്.

ഫെയ്സ്ബുക്ക് കുറിപ്പിന്‍റെ പൂർണരൂപം:

ഇവരിൽ പിണറായി വിജയനും ചന്ദ്രശേഖരനും "വെറും" രാഷ്ട്രീയക്കാർ മാത്രമാണ്. "ജനപ്രതിനിധികൾ" എന്ന മുൻ‌കൂർ ജാമ്യം ഇവർക്കു കിട്ടും.... എൻറെ സഹപ്രവർത്തകരായിരുന്ന കുര്യനും ഏബ്രഹാമും ഏതു മാളത്തിൽ പോയൊളിച്ചു ? ഇവന്മാരെയെങ്കിലും കഴുത്തിനു പിടിച്ചു കരണക്കുറ്റിക്കൊന്നു കൊടുക്കാൻ "പ്രബുദ്ധ" മലയാളികൾക്കു സാധിക്കുന്നില്ല എന്നതാണ് യാഥാർത്ഥത്തിൽ നാടിൻറെ "ദുരന്തം" .....