ആലപ്പുഴ: വിവിധ സ്ഥലങ്ങളില്‍നിന്ന് മത്സ്യബന്ധനത്തിനുപോയ ജില്ലയില്‍നിന്നുള്ളവര്‍ മഹാരാഷ്ട്രയിലും ലക്ഷദ്വീപിലും സുരക്ഷിതരാണെന്ന് വിവരം ലഭിച്ചു. ഗാലക്‌സി ബോട്ടില്‍ മത്സ്യബന്ധനത്തിനുപോയി കാണാതായ പുറക്കാട് പഞ്ചായത്തിലെ പതിനൊന്നാം വാര്‍ഡിലെ പുതുവല്‍ ഹൗസില്‍ മോഹന്‍ദാസ് മഹാരാഷ്ട്രയിലെ ദേവ്ഗഡ് തുറമുഖത്ത് സുരക്ഷിതനായിരിക്കുന്നു. മോഹന്‍ദാസുമായി ജില്ലാ ഭരണകൂടം ബന്ധപ്പെട്ടു.
അന്നമ്മാള്‍ എന്ന വള്ളത്തില്‍ മത്സ്യബന്ധനത്തിനു പോയ നീര്‍ക്കുന്നം തെക്കാനിശേരില്‍ രജ്ഞിത്ത് (30), തുമ്പോളി അരയന്‍ പറമ്പ് പ്രതാപന്‍ (58), കാഞ്ഞിരം ചിറ പീറ്റര്‍ (57) എന്നിവര്‍ ലക്ഷദ്വീപ് കല്‍പ്പേനിയില്‍ സുരക്ഷിതരാണെന്ന് വിവരം ലഭിച്ചു. ഇവരുമായും ജില്ലാ ഭരണകൂടം ബന്ധപ്പെട്ടിരുന്നു.