ചെന്നൈ: വര്‍ഷങ്ങള്‍ക്കു ശേഷം തെരഞ്ഞെടുപ്പില്‍ ഡി.എം.കെയെ പിന്തുണയ്ക്കാനുറച്ച് ഡി.എം.ഡി.കെ. 21നു ആര്‍.കെ നഗറില്‍ നടക്കുന്ന നിയമസഭാ ഉപതെരഞ്ഞെടുപ്പില്‍ തന്റെ പാര്‍ട്ടി ഡി.എം.കെ സ്ഥാനാര്‍ഥിയെ പിന്തുണയ്ക്കുമെന്നു ഡി.എം.ഡി.കെ നേതാവ് വൈക്കോ ആണ് അറിയിച്ചത്.
പാര്‍ട്ടി യോഗത്തിനു ശേഷമായിരുന്നു വൈക്കോയുടെ പ്രതികരണം. തമിഴ്‌നാട് ജനതയുടെ താല്‍പര്യങ്ങള്‍ മാനിച്ചു ചിന്തിച്ചെടുത്ത തീരുമാനമാണിതെന്ന് അദ്ദേഹം പറഞ്ഞു. ഇതു തുടക്കം മാത്രമാണെന്നു പ്രതികരിച്ച അദ്ദേഹം, ആവശ്യമെങ്കില്‍ ഡി.എം.കെയുമായി സഖ്യത്തിലാകുന്നതില്‍ തെറ്റില്ലെന്നും സൂചിപ്പിച്ചു.