അഡ്‌ലെയ്ഡ്: ഇംഗ്ലണ്ടിനെതിരായ രണ്ടാം ആഷസ് ടെസ്റ്റില്‍ ആസ്‌ത്രേലിയക്ക് മികച്ച സ്‌കോര്‍. ആസ്‌ത്രേലിയ ഒന്നാം ഇന്നിങ്‌സില്‍ എട്ട് വിക്കറ്റിന് 442 റണ്‍സെന്ന നിലയില്‍ ഡിക്ലയര്‍ ചെയ്തു. ഒന്നാം ഇന്നിങ്‌സ് തുടങ്ങിയ ഇംഗ്ലണ്ട് രണ്ടാം ദിനം കളി നിര്‍ത്തുമ്പോള്‍ ഒരു വിക്കറ്റ് നഷ്ടത്തില്‍ 29 റണ്‍സെന്ന നിലയില്‍. അലിസ്റ്റര്‍ കുക്ക് (11), റണ്ണൊന്നുമെടുക്കാതെ വിന്‍സ് എന്നിവരാണ് ക്രീസില്‍. സ്റ്റോണ്‍മാനാണ് (18) പുറത്തായത്.
നേരത്തെ മധ്യനിര ബാറ്റ്‌സ്മാന്‍ ഷോണ്‍ മാര്‍ഷ് പുറത്താകാതെ നേടിയ സെഞ്ച്വറി (126) യുടെ കരുത്തിലാണ് ഓസീസ് മികച്ച സ്‌കോറിലെത്തിയത്. ഇംഗ്ലണ്ടിനായി ഓവര്‍ടന്‍ മൂന്നും ബ്രോഡ് രണ്ടും വിക്കറ്റുകള്‍ വീഴ്ത്തി.