കൊല്ലം: പൂന്തുറയില്‍ നിന്നും കൊല്ലത്തെത്തിയ 18 വള്ളങ്ങള്‍ ഇന്നും കടലില്‍ രക്ഷാ ദൗത്യവുമായി ഇറങ്ങി. കൊല്ലത്ത് ഇന്നലെ എത്തിച്ച മൂന്നില്‍ രണ്ടു മൃതദേഹങ്ങള്‍ തിരിച്ചറിഞ്ഞു.

സുസൈ(63)കന്യാകുമാരി,വിക്ടര്‍(37) വിഴിഞ്ഞം എന്നിവരുടെ മൃതദേഹങ്ങളാണ് തിരിച്ചറിഞ്ഞത്. മൂന്നു മൃതദേഹങ്ങളും ഇന്നലെ രാത്രി ജില്ലാ ആശുപത്രിയില്‍ പോസ്റ്റുമോര്‍ട്ടം നടത്തിയിരുന്നു.

സൂസൈയുടെ മൃതദേഹം ഇന്നുരാവിലെ ബന്ധുക്കള്‍ ഏറ്റുവാങ്ങി നാട്ടിലേക്ക് കൊണ്ടുപോയി. വിക്ടറിന്റെ മൃതദേഹം ഏറ്റുവാങ്ങാന്‍ ബന്ധുക്കളെത്തിയിട്ടുണ്ട്.

ജില്ലയില്‍ ആലപ്പാട് പ്രവര്‍ത്തിച്ചിരുന്ന ദുരിതാശ്വാസ ക്യാമ്പ് നിര്‍ത്തി. ജില്ലയിലൊരിടത്തും ഇപ്പോള്‍ ദുരിതാശ്വാസ ക്യമ്പുകളില്ല.