കോഴിക്കോട്: എസ്.കെ.എസ്.എസ്.എഫ് സംസ്ഥാന വ്യാപകമായി സംഘടിപ്പിക്കുന്ന ഫ്രീഡം സ്‌ക്വയര്‍ ഇന്നു വൈകിട്ട് നാലിന് ജില്ലയിലെ വ്യത്യസ്ത മേഖലകളില്‍ നടക്കും. മാവൂരില്‍ നടക്കുന്ന എന്‍.ഐ.ടി മേഖലാ പരിപാടി സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. എ.ടി മുഹമ്മദ് മാസ്റ്റര്‍ പ്രഭാഷണം നടത്തും. കുന്ദമംഗലം, ഫറോക്ക്, പന്തീരാങ്കാവ് ബൈപ്പാസ്, ഓമശ്ശേരി, നരിക്കുനി, മടവൂര്‍, താമരശ്ശേരി, കൊടുവള്ളി, നടവണ്ണൂര്‍ നൂറുല്‍ ഹുദ, പേരാമ്പ്ര, എലത്തൂര്‍ പറമ്പത്ത് ബസാര്‍, പയ്യോളി ടൗണ്‍, കോഴിക്കോട് ബട്ട് റോഡ് ബീച്ച്, കൊയിലാണ്ടി, മുക്കം മേഖലകളിലും പരിപാടി നടക്കും.