ദോഹ: നവംബര്‍ അവസാനത്തെ കണക്കുകള്‍ പ്രകാരം ഖത്തറിലെ ജനസംഖ്യ 26.8 ലക്ഷത്തിലെത്തി.

വികസനാസൂത്രണ സ്ഥിതിവിവരക്കണക്ക് മന്ത്രാലയത്തിന്റെ ഏറ്റവും പുതിയ റിപ്പോര്‍ട്ടിലാണ് ഇക്കാര്യമുള്ളത്. 26,83,000 മാണ് നവംബറിലെ ജനസംഖ്യ. കഴിഞ്ഞ വര്‍ഷം നവംബറിനേക്കാള്‍ 1.7 ശതമാനമാണ് വര്‍ധന.

2016 നവംബറില്‍ 26,37,302 ആയിരുന്നു ജനസംഖ്യ. അതേസമയം ഒക്‌ടോബറിനേക്കാള്‍ 0.5 ശതമാനമാണ് വര്‍ധന. നിലവില്‍ രാജ്യത്ത് 20,10,017 പുരുഷന്മാരും 6,72,579 വനിതകളുമാണുള്ളത്. രാജ്യത്തിനകത്തെ സ്വദേശികളും പ്രവാസികളും ഉള്‍പ്പെടെയുള്ളവരുടെ കണക്കാണിത്.

രാജ്യത്തിനു പുറത്തുപോയിട്ടുള്ള ഖത്തരികളേയും സ്ഥിരതാമസക്കാരായ നിലവില്‍ രാജ്യത്തിന് പുറത്തുള്ള പ്രവാസികളേയും ഇതില്‍ ഉള്‍പ്പെടുത്തിയിട്ടില്ല.