കോഴിക്കോട്: ഡിസംബര്‍ 15 മുതല്‍ 24 വരെ വരക്കല്‍ മഖാമില്‍ നടക്കുന്ന ശംസുല്‍ ഉലമാ 22-ാം ഉറൂസ് മുബാറകിന്റെ പ്രചാരണാര്‍ഥം ജില്ലകള്‍തോറും സമ്മേളനവും വാഹനപ്രചാരണ ജാഥകളും സംഘടിപ്പിക്കാന്‍ കോഴിക്കോട് ഇസ്‌ലാമിക് സെന്ററില്‍ ചേര്‍ന്ന സംയുക്ത യോഗം തീരുമാനിച്ചു. എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. അബ്ദുല്‍ ഗഫൂര്‍ ദാരിമി മുണ്ടക്കുളം അധ്യക്ഷനായി.
ജില്ലാതല പ്രചാരണ പരിപാടികള്‍ക്ക് നേതൃത്വം നല്‍കാന്‍ ടി.വി അഹ്മദ് ദാരിമി, അശ്‌റഫ് മമ്മാക്കുന്ന് (കണ്ണൂര്‍), കെ.സി അബൂബക്കര്‍ ദാരിമി മണ്ണാര്‍ക്കാട് (പാലക്കാട്), അബ്ദുല്ലത്വീഫ് ഹൈതമി (തൃശൂര്‍), എം.ടി അബൂബക്കര്‍ ദാരിമി പനങ്ങാങ്ങര, പി.കെ അബ്ദുല്‍ കരീം ദാരിമി ഓമാനൂര്‍ (മലപ്പുറം), ജമാല്‍ ദാരിമി കുണ്ടാല (വയനാട്), അബ്ദുല്‍ വഹാബ് ഹൈതമി ചീക്കോട്, ആര്‍.വി സലീം, ടി.പി സുബൈര്‍ മാസ്റ്റര്‍ (കോഴിക്കോട്) എന്നിവരെ ചുമതലപ്പെടുത്തി.
ശമ്മാസ് ദാരിമി പായിപ്പുല്ല്, സി.ടി അബ്ദുറഹ്മാന്‍ ദാരിമി പാവണ്ണ, ഇ.പി ഇസ്മാഈല്‍ ദാരിമി ചെറുമുക്ക്, മുശ്താഖ് ദാരിമി കമ്പില്‍, ഇ. അലി ദാരിമി പൂക്കുളത്തൂര്‍, മുനീര്‍ ദാരിമി പടിഞ്ഞാറത്തറ ചര്‍ച്ചയില്‍ പങ്കെടുത്തു. മുഹമ്മദ് കുട്ടി ദാരിമി കോടങ്ങാട് സ്വാഗതവും അബ്ദുല്‍ കരീം ദാരിമി നന്ദിയും പറഞ്ഞു.