മലപ്പുറം: സുന്നി യുവജന സംഘം മലപ്പുറം ജില്ലാ കമ്മിറ്റിയുടെ ആഭിമുഖ്യത്തില്‍ സുന്നി മഹല്‍ കേന്ദ്രമായി പ്രവര്‍ത്തിക്കുന്ന ഹജ്ജ് സംഘം ഇന്നലെ ഉച്ചക്കു 1.30 നു സൗദി എയര്‍ലൈന്‍സില്‍ പുറപ്പെട്ടു. പാണക്കാട് സയ്യിദ് ഹൈദറലി ശിഹാബ് തങ്ങള്‍ യാത്രയയപ്പ് സംഗമത്തില്‍ പ്രാര്‍ഥനക്കു നേതൃത്വം നല്‍കി. ഹാജി കെ. മമ്മദ് ഫൈസി, ചീഫ് അമീര്‍ അബ്ദുസ്സമദ് പൂക്കോട്ടൂര്‍, കെ.എ റഹ്മാന്‍ ഫൈസി, കാടാമ്പുഴ മൂസ ഹാജി, ഹസന്‍ സഖാഫി പൂക്കോട്ടൂര്‍, സലീം എടക്കര, പി.കെ ലത്തീഫ് ഫൈസി, സി.എം കുട്ടി സഖാഫി, ഡോ. ഇബ്രാഹീം ശിബില്‍, ആറ്റക്കോയ തങ്ങള്‍ പാണക്കാട്, ഹാഷിറലി ശിഹാബ് തങ്ങള്‍ സംബന്ധിച്ചു. എസ്.വൈ.എസിനു കീഴില്‍ ഇരുപത്തി മൂന്നാമതു ഹജ്ജ് സംഘമാണ് ഇന്നലെ പുറപ്പെട്ടത്.