കൊച്ചി: കലൂര്‍ ഇന്റര്‍നാഷണല്‍ സ്റ്റേഡിയത്തില്‍ കഴിഞ്ഞ ദിവസം നടന്ന ഐ.എസ്.എല്‍ ഫുട്‌ബോള്‍ മത്സരത്തിനുള്ള പ്രവേശന ടിക്കറ്റുകള്‍ വ്യാജമായി നിര്‍മിച്ച് ഒറിജിനലാണെന്ന് തെറ്റിദ്ധരിപ്പിച്ച് വില്‍പന നടത്തിയ കേസില്‍ രണ്ടുപേര്‍ അറസ്റ്റില്‍. 200 രൂപം വീതം വിലവരുന്ന ടിക്കറ്റുകള്‍ 300 രൂപയ്ക്കാണ് ഇവര്‍ വില്‍പന നടത്തിയത്. ആലുവ കുട്ടമശ്ശേരി നാലു കണ്ടത്തില്‍ വീട്ടില്‍ ഷെഫീര്‍ കോട്ടയം കാഞ്ഞിരപ്പള്ളി വള്ളംകുളം കരയില്‍ കാവുങ്ങല്‍ വീട്ടില്‍ റാഷിദ് എന്നിവരെയാണ് പാലാരിവട്ടം പൊലിസ് അറസ്റ്റ് ചെയ്തത്.
വ്യാജ ടിക്കറ്റ് വില്‍പ്പന നടത്തുന്നുവെന്ന് അസിസ്റ്റന്റ് കമ്മിഷണര്‍ കെ ലാല്‍ജിക്ക് രഹസ്യ സന്ദേശം ലഭിച്ചതനുസരിച്ച് നടത്തിയ അന്വേഷണത്തിലാണ് ഇവര്‍ അറസ്റ്റിലായത്.