തിരുവനന്തപുരം: ഓഖി ദുരന്തത്തില്‍ നിന്ന് രക്ഷപ്പെട്ട് ചികിത്സയിലായിരുന്ന യുവാവ് മരിച്ചു. തിരുവനന്തപുരം പുല്ലുവിള സ്വദേശി രതീഷ്(30) ആണ് മരിച്ചത്. തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെയാണ് മരണം.

അതേസമയം ഇനിയും കണ്ടെത്താനുള്ളവര്‍ക്കായി ഇന്നും തിരച്ചില്‍ ഊര്‍ജ്ജിതമായി തുടരും. 91 പേരെ ഇനിയും കണ്ടെത്താനുണ്ടെന്നാണ് സര്‍ക്കാര്‍ കണക്ക്. പത്ത് നാവികക്കപ്പലുകളാണ് തെരച്ചില്‍ നടത്തുന്നത്.  മത്സ്യത്തൊഴിലാളികളെ ഉള്‍പെടുത്തിയാണ് തെരച്ചില്‍ നടത്തുന്നത്.

വിവിധയിടങ്ങളിലായി ഇന്നലെ കണ്ടെത്തിയ 544 പേരില്‍ എത്ര മലയാളികളുണ്ട് എന്നതിനെ കുറിച്ച് വ്യക്തമായിട്ടില്ല. നിലവില്‍ പുതുതായി ആരേയും കണ്ടെത്തിയിട്ടല്ലെന്ന് നാവിക സേന അറിയിച്ചു.