ഹസന്‍: കര്‍ണാടകയിലെ ഹസനില്‍ ബസുകള്‍ തമ്മില്‍ കൂട്ടിയിടിച്ച് മൂന്നു പേര്‍ മരിച്ചു.

കാസര്‍കോട് ചെങ്കള ഗ്രാമ പഞ്ചായത്ത് അംഗം അബ്ദുള്‍ സലാം പാണലത്തിന്റെ മകള്‍ ഫാത്തിമത്ത് സുനിറ (27), മംഗളൂരുവിലെ യശോദ ഭട്ട് (44), കാര്‍ത്തിക് റെഡ്ഡി (45)എന്നിവരാണ് മരിച്ചത്.

10 പേര്‍ക്കു ഗുരുതരമായി പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച്ച പുലര്‍ച്ചെ മൂന്നരക്കായിരുന്നു അപകടം.

ഇവര്‍ സഞ്ചരിച്ചിരുന്ന കാസര്‍കോട്- ബംഗളുരൂ കെ.എസ്.ആര്‍.ടി.സി ബസ് ഹസനില്‍ വച്ച് എതിരേ വന്ന സ്വകാര്യ ബസുമായി കൂട്ടിയിടിക്കുകയായിരുന്നു.