എടവണ്ണപ്പാറ: റഈസുല്‍ മുഹഖിഖീന്‍ കണ്ണിയത്ത് അഹമ്മദ് മുസ്‌ലിയാരുടെ 25-ാം മഖാം ഉറൂസിന് ഡിസംബര്‍ 15ന് വാഴക്കാട് തുടക്കമാവും.15 ന് ജുമുഅ നിസ്‌കാര ശേഷം സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പതാക ഉയര്‍ത്തും.19 മുതല്‍ 22 വരെ വൈകീട്ട് ഏഴിന് പ്രഭാഷണം, ജലാലിയ്യ റാത്തീബ്, മജ്‌ലിസുന്നൂര്‍, പ്രാര്‍ഥന സദസ് എന്നിവ നടക്കും.
19ന് നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. മാനുതങ്ങള്‍ വെള്ളൂര്‍ ജലാലിയ്യ റാത്തീബിന് നേതൃത്വം നല്‍കും. ചെറുവാളൂര്‍ ഹൈദ്രോസ് മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും. മഅ്മൂന്‍ ഹുദവി വണ്ടൂര്‍ പ്രഭാഷണം നടത്തും. 20ന് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. പി.കെ. കുഞ്ഞാലിക്കുട്ടി എം.പി മുഖ്യാതിഥിയാവും. മൂര്യാട് ഹംസ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.
അന്‍വര്‍ മുഹ്‌യിദ്ദീന്‍ ഹുദവി ആലുവ പ്രഭാഷണം നടത്തും. 21 ന് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. മജ്‌ലിസുന്നൂറിന് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും. അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍, മാണിയൂര്‍ അഹ്മദ് മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. മുസ്തഫ ഹുദവി ആക്കോട് പ്രഭാഷണം നടത്തും. 22ന് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. മമ്മിക്കുട്ടി ഹസ്‌റത്ത് പ്രാര്‍ഥനക്ക് നേതൃത്വം നല്‍കും. ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും. ടി.വി.ഇബ്‌റാഹീം എം.എല്‍.എ മുഖ്യാതിഥിയാവും.
23ന് രാവിലെ ഒന്‍പതിന് സമാപന പ്രാര്‍ഥനാ സംഗമം സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. പ്രൊഫ. കെ.ആലിക്കുട്ടി മുസ്‌ലിയാര്‍ അധ്യക്ഷനാകും. മഖാം സിയാത്തിന് എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും. മുഹമ്മദ് കോയ തങ്ങള്‍ ജമലുല്ലൈലി, അബ്ദുസ്സമദ് പൂക്കോട്ടൂര്‍ സംസാരിക്കും.