ഇരിട്ടി: ആറളം പൊലിസ് സ്റ്റേഷന്‍ പരിധിയില്‍ പൊതു സ്ഥലങ്ങളില്‍ സ്ഥാപിച്ചിട്ടുള്ള രാഷ്ട്രീയ പാര്‍ട്ടികളുടെ കൊടി തോരണങ്ങളും ബോര്‍ഡുകളും കൊടിമരങ്ങളും നാളെ വൈകുന്നേരത്തിനുള്ളില്‍ എടുത്തു മാറ്റണമെന്നും ഇല്ലെങ്കില്‍ പൊലിസ് എടുത്തുമാറ്റി നിയമ നടപടി സ്വീകരിക്കുമെന്നും ആറളം എസ്.ഐ രാഷ്ട്രീയ പാര്‍ട്ടി പ്രതിനിധികള്‍ക്കു കൊടുത്ത മുന്നറിയിപ്പ് നോട്ടിസില്‍ അറിയിച്ചു.
ആറളം ടൗണില്‍ സ്ഥാപിച്ച ചില രാഷ്ട്രീയ സംഘടനകളുടെ ബോര്‍ഡുകള്‍ സാമൂഹ്യ വിരുദ്ധര്‍ ഈയിടെ നശിപ്പിച്ചിരുന്നു. ഇതിനെ തുടര്‍ന്ന് പൊലിസ് സ്റ്റേഷനില്‍ എസ്.ഐ വിളിച്ചു ചേര്‍ത്ത സര്‍വകക്ഷി യോഗ തീരുമാന പ്രകാരമാണ് നോട്ടീസ് നല്‍കിയത്.