കണ്ണൂര്‍: ഫെയ്ത്ത് ഇന്ത്യ ഫെയ്ത്ത് ഫ്രീഡം എന്ന പ്രമേയത്തില്‍ ഇന്ന് സംസ്ഥാനവ്യപകമായി എസ്.കെ.എസ്.എസ്.എഫ് നടത്തുന്ന ഫ്രീഡം സ്‌ക്വയര്‍ ജില്ലയില്‍ 15 കേന്ദ്രങ്ങളില്‍ നടക്കും. കണ്ണൂര്‍ കക്കാട് അഷ്‌റഫ് ബംഗാളിമുഹല്ല ഉദ്ഘാടനം ചെയ്യും. പി.പി മുഹമ്മദ് കുഞ്ഞി അരിയില്‍ പ്രഭാഷണം നടത്തും. കമ്പില്‍ ചേലേരിമുക്കില്‍ ഷുഹൈബ് വാരമ്പറ്റ പ്രഭാഷണം നടത്തും.
കൂത്തുപറമ്പില്‍ മമ്മൂട്ടി വയനാടും പാനൂര്‍ പാറാട് ടൗണില്‍ നാസര്‍ ഫൈസി കൂടത്തായിയും വളപട്ടണത്ത് എ.കെ അബ്ദുല്‍ ബാഖിയും പഴയങ്ങാടിയില്‍ ആബിദ് ഹുദവിയും പിലാത്തറയില്‍ ജാസിര്‍ ഹുദവിയും
ചക്കരക്കല്ലില്‍ മിര്‍ഷാദ് യമാനിയും മാഹിയില്‍ സഹല്‍ വാഫിയും തളിപ്പറമ്പില്‍ അന്‍സാരി തില്ലങ്കേരിയും വാരത്ത് ആഷിഖ് ചെലവൂരും മട്ടന്നൂരില്‍ സിയാദ് ഹുദവി ഒറ്റപ്പാലവും ശ്രീകണ്ഠപുരത്ത് ജലീല്‍ അസ്ഹരിയും ഏളംപാറയില്‍ അബിദ് ഹുദവി ചേകന്നൂരും പ്രഭാഷണം നടത്തും.