ധര്‍മശാല: ശ്രീലങ്കക്കെതിരായ ഒന്നാം ഏകദിനം ഇന്ന് നടക്കാനിരിക്കേ പരുക്കേറ്റ് കേദാര്‍ ജാദവ് പുറത്ത്. പരിശീലനത്തിനിടെ ഞരമ്പിനേറ്റ പരുക്കിനെ തുടര്‍ന്നാണ് താരം പുറത്തായത്. ജാദവിന് പകരം തമിഴ്‌നാട് ഓള്‍റൗണ്ടര്‍ വാഷിങ്ടന്‍ സുന്ദര്‍ ടീമിലിടം പിടിച്ചു. ശ്രീലങ്കക്കെതിരായ ടി20 പരമ്പരയ്ക്കുള്ള ടീമില്‍ നേരത്തെ വാഷിങ്ടന്‍ ഇടംപിടിച്ചിരുന്നു. കഴിഞ്ഞ ഐ.പി.എല്ലില്‍ റൈസിങ് പൂനെ സൂപ്പര്‍ജയ്ന്റിനായി മികച്ച പ്രകടനമാണ് 18കാരനായ താരം പുറത്തെടുത്തത്.