മാഡ്രിഡ്: സ്പാനിഷ് ലാ ലിഗ പോരാട്ടത്തില്‍ മാഡ്രിഡ് ടീമുകള്‍ക്ക് വിജയം. റയല്‍ മാഡ്രിഡ് മറുപടിയില്ലാത്ത അഞ്ച് ഗോളുകള്‍ക്ക് സെവിയ്യയെ തകര്‍ത്തപ്പോള്‍ അത്‌ലറ്റിക്കോ മാഡ്രിഡ് മറുപടിയില്ലാത്ത ഒറ്റ ഗോളിന് റയല്‍ ബെറ്റിസിനെയാണ് പരാജയപ്പെടുത്തിയത്.
ബാല്ലണ്‍ ഡി ഓര്‍ പുരസ്‌കാര നേട്ടം ഇരട്ട ഗോളോടെ ക്രിസ്റ്റ്യാനോ റൊണാള്‍ഡോ ആഘോഷിച്ച പോരാട്ടത്തിലാണ് റയലിന്റെ മിന്നും ജയം. ശേഷിച്ച ഗോളുകള്‍ നാച്ചോ, ടോണി ക്രൂസ്, ഹകിമി എന്നിവരും നേടി. 29ാം മിനുട്ടില്‍ സോള്‍ നിഗ്വസ് നേടിയ ഗോളിലാണ് അത്‌ലറ്റിക്കോയുടെ വിജയം.