മണ്ണാര്‍ക്കാട്: മതേതര ജനാധിപത്യ രാജ്യമായ ഇന്ത്യയുടെ ജനാധിപത്യ സംവിധാനം ശക്തിപ്പെടുത്താനും, സാമുദായിക സൗഹാര്‍ദത്തിന് വിളളലുണ്ടാക്കുന്ന ഛിദ്ര ശക്തികളെ ചെറുത്ത് തോല്‍പ്പിക്കാനും പുതുതലമുറക്ക് പ്രചോദനം നല്‍കുകയെന്ന ലക്ഷ്യത്തോടെ എസ്.കെ.എസ്.എസ്.എഫ് സ്വാതന്ത്ര്യ ദിനത്തില്‍ മേഖലാ തലങ്ങളില്‍ നടത്തുന്ന ഫ്രീഡം സ്വകയര്‍ ഇന്ന് വൈകുന്നേരം നാലിന് ജില്ലയുടെ വിവിധ കേന്ദ്രങ്ങളില്‍ നടക്കും.
തൃത്താലയില്‍ പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുല്‍ ഖാദിര്‍ ഫൈസി മുഖ്യപ്രഭാഷണം നടത്തും. ചാലിശ്ശേരിയില്‍ സയ്യിദ് ഉമറുല്‍ ഫാറൂഖ് തങ്ങള്‍ ഉദ്ഘാടനം ചെയ്യും. അബ്ബാസ് മുളാഹിരി മുഖ്യപ്രഭാഷണം നടത്തും. കൊപ്പത്ത് സയ്യിദ് ഹസന്‍ തങ്ങള്‍ ഉദ്ഘാടനം ചെയ്യും. ഇബ്രാഹീം ഫൈസി മുഖ്യപ്രഭാഷണം നടത്തും. പട്ടാമ്പിയില്‍ സയ്യിദ് ശിഹാബുദ്ദീന്‍ തങ്ങള്‍ ഉദ്ഘാടനം ചെയ്യും. ജഅ്ഫര്‍ ഹുദവി മുഖ്യപ്രഭാഷണം നടത്തും.
ഒറ്റപ്പാലത്ത് സയ്യിദ് ഇമ്പിച്ചിക്കോയ തങ്ങള്‍ ഉദ്ഘാടനം ചെയ്യും. അന്‍വര്‍ സ്വാദിഖ് ഫൈസി മുഖ്യപ്രഭാഷണം നടത്തും. പാലക്കാട് ശോഭാ അബൂബക്കര്‍ ഹാജി ഉദ്ഘാടനം ചെയ്യും. സൈനുദ്ദീന്‍ മന്നാനി മുഖ്യപ്രഭാഷണം നടത്തും. കോങ്ങാട് അബ്ദുല്‍ ഹകീം ഫൈസി ഉദ്ഘാടനം ചെയ്യും. അസ്‌കര്‍ കരിമ്പ മുഖ്യപ്രഭാഷണം നടത്തും. മണ്ണാര്‍ക്കാട് പൂക്കോയ തങ്ങള്‍ പുല്ലശ്ശേരി ഉദ്ഘാടനം ചെയ്യും. കബീര്‍ അന്‍വരി നാട്ടുകല്‍ മുഖ്യപ്രഭാഷണം നടത്തും.
അലനല്ലൂരില്‍ സംസം ബഷീര്‍ ഉദ്ഘാടനം ചെയ്യും. ശമീര്‍ ഫൈസി കോട്ടോപ്പാടം മുഖ്യപ്രഭാഷണം നടത്തും. അട്ടപ്പാടിയില്‍ മുഹമ്മദലി അന്‍വരി മുഖ്യപ്രഭാഷണം നടത്തും.