മലപ്പുറം: 'വികല വിദ്യാഭ്യാസം വിചാരണ ചെയ്യുന്നു' എന്ന പ്രമേയത്തില്‍ കാംപസ് വിങ് സംഘടിപ്പിക്കുന്ന ത്രൈമാസ കാംപയിനിന്റെ ആദ്യഘട്ടമായ ജില്ലാ കാംപസ്‌കാളുകള്‍ക്ക് മലപ്പുറത്ത് തുടക്കമായി. അത്തിപ്പറ്റ ഫത്ത്ഹുല്‍ ഫത്താഹില്‍ നടന്ന സംഗമം പാണക്കാട് സയ്യിദ് ഹാശിറലി ശിഹാബ് തങ്ങള്‍ ഉദ്ഘാടനം ചെയ്തു.
അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍, ഡോ. ബശീര്‍ ഫൈസി ദേശമംഗലം, ആസിഫ് ദാരിമി പുളിക്കല്‍, ഡോ.സുബൈര്‍ ഹുദവി ചേകന്നൂര്‍, ഖയ്യൂം കടമ്പോട്, ഷബിന്‍ മുഹമ്മദ് എന്നിവര്‍ വിവിധ സെഷനുകളില്‍ സംവദിച്ചു. സയ്യിദ് സ്വദഖത്തുല്ല തങ്ങള്‍, ജാസിര്‍ പടിഞ്ഞാറ്റുമുറി, ഫയ്യാസ് മോങ്ങം, അമീറലി കുന്നുംപുറം, മുനീര്‍ മോങ്ങം, ബാസിത്ത് കോട്ടയില്‍, ശുഹൈബ് സംസാരിച്ചു.