ന്യൂഡല്‍ഹി: ഭീകരവാദത്തെ തടയാനായി ഇന്ത്യാ-ചൈന-റഷ്യ തീരുമാനം. എന്നാല്‍ ഇക്കാര്യത്തില്‍ പാകിസ്താന്റെ പേരെടുത്തു പറയാതെയാണ് മൂന്ന് രാജ്യങ്ങളും ഇന്നലെ ഡല്‍ഹിയില്‍ സംയുക്ത പ്രസ്താവന നടത്തിയത്.
പാകിസ്താനെയോ ആ രാജ്യത്തിനകത്ത് പ്രവര്‍ത്തിക്കുന്ന ഭീകര സംഘടനകളെക്കുറിച്ചോ പരാമര്‍ശിക്കാത്ത സംയുക്ത പ്രസ്താവനയില്‍ എല്ലാ രാജ്യങ്ങളും ഭീകരവാദത്തിനെതിരേ ഒന്നിക്കണമെന്നും അവരവരുടെ രാജ്യത്തിനകത്തുനിന്ന് ഭീകരവാദത്തെ തുടച്ചുനീക്കാന്‍ ശക്തമായ നിലപാട് സ്വീകരിക്കണമെന്നും ആവശ്യപ്പെട്ടു.
ഇന്ത്യ, ചൈന, റഷ്യ വിദേശകാര്യമന്ത്രിമാരുടെ 15ാമത് യോഗമാണ് ഇന്നലെ ഡല്‍ഹിയില്‍ നടന്നത്.