പാലക്കാട്: സായുധ സേന പതാക നിധിയിലേക്ക് ഏറ്റവും കൂടുതല്‍ തുക സമാഹിരിച്ച് സംസ്ഥാന തലത്തില്‍ മൂന്നാം സ്ഥാനം നേടിയതിന് ജില്ലാ പതാകനിധി കമ്മിറ്റിക്ക് മുഖ്യമന്ത്രി പിണറായി വിജയന്റെ അഭിനന്ദനം.
ഇത് സംബന്ധിച്ച അഭിനന്ദന കത്ത് ഫണ്ട് കമ്മിറ്റി ചെയര്‍ പേര്‍സണ്‍ ജില്ലാ കലക്ടര്‍ പി. മേരിക്കുട്ടിക്ക് ലഭിച്ചു. 21, 50, 183 രൂപയാണ് ജില്ലയില്‍ നിന്ന് സൈനിക ക്ഷേമ ഓഫിസിന്റെ നേതൃത്വത്തില്‍ പിരിച്ചെടുത്ത മുഖ്യമന്ത്രിയുടെ റോളിങ് ട്രോഫിക്ക് അര്‍ഹമായത്.
ജില്ലയില്‍ പതാക നിധിയിലേക്ക് ഏറ്റവും കൂടുതല്‍ തുക നല്‍കിയ വകുപ്പുകള്‍ക്ക് ഇന്ന് രാവിലെ പാലക്കാട് കോട്ടമൈതാനത്ത് നടക്കുന്ന സ്വതന്ത്ര്യ ദിനാഘോഷ പരിപാടിയില്‍ മന്ത്രി എ.കെ ബാലന്‍ അവാര്‍ഡുകള്‍ വിതരണം ചെയ്യും.