പടിഞ്ഞാറങ്ങാടി: കഴിഞ്ഞ ദിവസം നടന്ന വിഖായ പലക്കാട് ജില്ലാ പഠന ക്യാംപിന് സമാപിച്ചു. ശനിയാഴ്ച്ച രാവിലെ മുതല്‍ വൈകുന്നേരം വരെയായിരുന്നു ക്യാംപ്. ജില്ലയിലെ വിവിധ മേഖലകളില്‍ നിന്നുള്ള വിഖായ പ്രവര്‍ത്തകര്‍ പങ്കെടുത്തു. രജിസ്റ്റര്‍ ചെയ്തവര്‍ക്ക് മാത്രമാണ് ക്യാംപില്‍ പ്രവേശനം അനുവദിച്ചിരുന്നത്. എസ്. കെ.എസ്.എസ്.എഫിന്റെ സന്നദ്ധ സേവകരായപ്രവര്‍ത്തകരെ സജ്ജമാക്കുക എന്നതായിരുന്നു ക്യാംപിന്റെ ലക്ഷ്യം.
മയ്യിത്ത് പരിപാലനം അറിഞ്ഞിരിക്കേണ്ട കാര്യങ്ങള്‍, മെഡിറ്റേഷന്‍, സംഘടനാ പ്രവര്‍ത്തനം എങ്ങിനെ കാര്യക്ഷമ മാക്കാം, ട്രോമ കെയര്‍ എന്നീ വിഷയങ്ങളെ അധികരിച്ച് ഷഫീഖ് ദാരിമി കൊണ്ടോട്ടി, ഷമീം ഫൈസി മഞ്ചേരി, ഖാദര്‍ ഫൈസി തലക്കശ്ശേരി, ഡോ. സലീം തിരൂര്‍ ക്ലാസെടുത്തു. ഉമര്‍ ഫാറൂഖ് തങ്ങള്‍ തിരുമിറ്റക്കോട് ക്യാംപ് ഉദ്ഘാടനം ചെയ്തു. സയ്യിദ് ശിഹാബുദ്ധീന്‍ ജിഫ്രി തങ്ങള്‍ ദുആക്ക് നേതൃത്വം നല്‍കി. സമദ് മാസ്റ്റര്‍ അധ്യക്ഷനായി. ആരിഫ് ഫൈസി തിരുവേഗപ്പുറ, കുഞ്ഞുമുഹമ്മദ് ഫൈസി, ശമീര്‍ ഫൈസി മണ്ണാര്‍ക്കാട് എന്നിവര്‍ പ്രസംഗിച്ചു. നിഷാദ്. കെ സ്വാഗതവും ഷാകിര്‍ അന്‍വരി നന്ദിയും പറഞ്ഞു.