മലപ്പുറം: ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി ബിരുദദാന സമ്മേളനത്തോടനുബന്ധിച്ച് സംസ്ഥാനതല വാഹന പ്രചാരണ യാത്രക്ക് ഇന്ന് തുടക്കമാവും. തിരുവനന്തപുരം ബീമാപള്ളി നൂറുല്‍ ഇസ്‌ലാം മദ്‌റസ പരിസരത്ത് രാവിലെ ഒന്‍പതിന് നടക്കുന്ന ഉദ്ഘാടന സമ്മേളനത്തോടെ തെക്കന്‍ മേഖലാ പ്രചാരണ യാത്രക്ക് തുടക്കം കുറിക്കും. സമസ്ത തിരുവനന്തപുരം ജില്ലാ ജന. സെക്രട്ടറി എ.എം നൗഷാദ് ബാഖവി ചിറയിന്‍കീഴ് ജാഥാ ക്യാപ്റ്റന്‍ അഷ്‌റഫ് ഹുദവി അടിമാലിക്ക് പതാക കൈമാറും. വടക്കന്‍ മേഖലാ യാത്ര രാവിലെ ഒന്‍പതിന് കാസര്‍കോട് തളങ്കര മഖാം പരിസരത്ത് തുടക്കം കുറിക്കും. ത്വാഖ്വാ അഹമ്മദ് മൗലവി ജാഥാ ക്യാപ്റ്റന്‍ ജാബിര്‍ ഹുദവി തൃക്കരിപ്പൂരിന് പതാക കൈമാറും. ഇരുജാഥകളും കൊണ്ടോട്ടിയിലാണ് സമാപിക്കുക.