മുംബൈ: ഇന്ത്യന്‍ സൂപ്പര്‍ ലീഗില്‍ പുതിയ മാതൃക അവതരിപ്പിച്ച് മുംബൈ സിറ്റി എഫ്.സി. സ്വന്തം സ്റ്റേഡിയത്തില്‍ സന്ദര്‍ശക ടീമിന്റെ ആരാധകര്‍ക്ക് പ്രത്യേക സെക്ഷന്‍ അനുവദിച്ചാണ് മുംബൈ മാതൃകയായത്. പ്രത്യേക സെക്ഷനില്‍ ടി.വി സ്‌ക്രീനുകളും സ്ഥാപിക്കുന്നുണ്ട്. ഇതുവഴി എതിര്‍ ടീമിന്റെ കാണികള്‍ക്ക് മത്സരം കാണാനും സാധിക്കും. ഏവേ സപ്പോര്‍ട്ടേഴ്‌സ് സെക്ഷന്‍ എന്നാണ് ഇതിന് പേര് നല്‍കിയിരിക്കുന്നത്. 200 പേര്‍ക്ക് ഇരിക്കാനുള്ള സൗകര്യമുണ്ട് ഇവിടെ. ഡിസംബര്‍ 17ന് നടക്കുന്ന മുംബൈയുടെ മത്സരം മുതല്‍ ഈ സൗകര്യം ലഭ്യമാകും.