കൊടുങ്ങല്ലൂര്‍: ബഷീറിന്റെ സ്വാതന്ത്ര്യ സമര സ്മരണകള്‍ അരങ്ങിലേക്ക്. വൈക്കം മുഹമ്മദ് ബഷീറിന്റെ സ്വാതന്ത്ര്യ സമര കാല ഓര്‍മ്മകള്‍ പങ്ക് വെക്കുന്ന പാഠം ഭാഗമാണ് ശൃംഗപുരം ഗവ: ഹയര്‍ സെക്കന്‍ഡറി സ്‌കൂളിലെ പത്താം ക്ലാസ് വിദ്യാര്‍ഥികള്‍ നാടക രൂപത്തില്‍ അരങ്ങിലെത്തിക്കുന്നത്. പത്താം ക്ലാസ് മലയാള പാഠപുസ്തകത്തിലെ അമ്മ എന്ന പാഠഭാഗമാണ് നാടകത്തിന്റെ ഇതിവൃത്തം. അര മണിക്കൂര്‍ ദൈര്‍ഘ്യമുള്ള നാടകത്തിന്റെ രംഗഭാഷയും സംവിധാനവും നിര്‍വഹിക്കുന്നത് കുട്ടികള്‍ തന്നെയാണ്. അരങ്ങിലും അണിയറയിലുമായി മുപ്പതോളം കുട്ടികള്‍ നാടകത്തില്‍ സഹകരിക്കുന്നുണ്ട്. സ്വാതന്ത്ര്യദിനത്തില്‍ സ്‌കൂളില്‍ നടക്കുന്ന ചടങ്ങില്‍ നാടകം അവതരിപ്പിക്കും.