എരുമപ്പെട്ടി: തിപ്പല്ലൂരില്‍ കിണറ്റില്‍ വീണ പശുവിനെ ഫയര്‍ഫോഴ്‌സെത്തി രക്ഷപ്പെടുത്തി. കിഴക്കുംകര ലക്ഷ്മികുട്ടിയമ്മയുടെ വീട്ടുകിണറ്റിലാണ് അടുത്ത വീട്ടിലെ പശു വീണത്. പശുവിനെ നാട്ടുകാര്‍ പുറത്തെടുക്കാന്‍ ശ്രമിച്ചുവെങ്കിലും കഴിഞ്ഞില്ല. തുടര്‍ന്ന് കുന്നംകുളത്ത് നിന്ന് ഫയര്‍ഫോഴ്‌സെത്തി മണിക്കൂറുകള്‍ നീണ്ട പ്രയത്‌നത്തിനൊടുവിലാണ് പശുവിനെ രക്ഷപെടുത്തിയത്.സ്റ്റേഷന്‍ ഓഫിസര്‍ സി.ഒ.ജോയ്,ലീഡിംഗ് ഫയര്‍മാന്‍ ടി.ഷാജി,ഫയര്‍മാന്‍മാരായ സുജിത്ത്, അഭിലാഷ്‌കുമാര്‍,ഷൈന്‍, സുനില്‍കുമാര്‍, ശിവകുമാര്‍, രഞ്ജിത്ത്, കൃഷ്ണദാസ് തുടങ്ങിയവര്‍ രക്ഷാപ്രവര്‍ത്തനത്തിന് നേതൃത്വം നല്‍കി.