ജിദ്ദ: മരുഭൂമിയില്‍ കടുത്ത യാതനയില്‍ ജോലിചെയ്തിരുന്ന മലയാളി യുവാവിന് മോചനം. ഇന്ത്യന്‍ എംബസിയുടെ സഹായത്തെ തുടര്‍ന്നാണ് മോചനം ലഭിച്ചത്. തിരുവനന്തപുരം പാലോട് സ്വദേശി സനല്‍ കുമാറിനെയാണ് ഇന്ത്യന്‍ എംബസി രക്ഷപ്പെടുത്തിയത്.
കിഴക്കന്‍ സഊദിയില്‍ കുവൈത്ത് അതിര്‍ത്തിയോടു ചേര്‍ന്നുള്ള ഖഫ്ജിയ്ക്കു സമീപമാണ് ഇയാള്‍ ജോലിചെയ്തിരുന്നത്. 2013 നവംബറിലാണ് സനല്‍ കുമാര്‍ ഹൗസ് ഡ്രൈവര്‍ വിസയില്‍ സഊദിയിലെത്തിയത്. എന്നാല്‍, ഒട്ടകങ്ങളെ പരിപാലിക്കുന്ന ജോലിയാണ് സ്‌പോണ്‍സര്‍ നല്‍കിയത്. വേണ്ടവിധം ഭക്ഷണമോ മറ്റു സൗകര്യങ്ങളോ ലഭിച്ചിരുന്നില്ല. ശമ്പളവും വല്ലപ്പോഴാണ് ലഭിച്ചിരുന്നത്.