കൊല്ലം: ഓഖി ദുരന്തത്തിനുശേഷം സംസ്ഥാനത്ത് വില്‍ക്കുന്ന മത്സ്യത്തിന്റെ ഗുണനിലവാരം ഭക്ഷ്യസുരക്ഷാ വകുപ്പ് പരിശോധിക്കണമെന്ന് സംസ്ഥാന മനുഷ്യാവകാശ കമ്മിഷന്‍.
വിഷരഹിതമായ ഭക്ഷ്യ സാധനങ്ങളുടെ ലഭ്യത സര്‍ക്കാര്‍ വകുപ്പുകള്‍ ഉറപ്പുവരുത്തണമെന്ന് കമ്മിഷനംഗം കെ. മോഹന്‍കുമാര്‍ പറഞ്ഞു.
പരാതിയെക്കുറിച്ച് ആരോഗ്യ, ഭക്ഷ്യസുരക്ഷാ വിഭാഗങ്ങള്‍ പരിശോധന നടത്തി വേണ്ട നടപടികള്‍ സ്വീകരിക്കണമെന്നും കമ്മിഷന്‍ ആവശ്യപ്പെട്ടു.
ഇതരസംസ്ഥാനങ്ങളില്‍ നിന്നുമെത്തുന്ന മത്സ്യം ആഴ്ചകള്‍ പഴക്കമുള്ളതാണെന്നും കടുത്ത രാസപദാര്‍ഥങ്ങള്‍ കലര്‍ന്നതാണെന്നും ആരോപിച്ച് അതിരമ്പുഴ സ്വദേശി പി.വി മൈക്കിള്‍ സമര്‍പ്പിച്ച പരാതിയിലാണ് ഉത്തരവ്