തൃശ്ശൂര്‍: ജിഷാവധക്കേസില്‍ കോടതി വധശിക്ഷയ്ക്കു വിധിച്ച അസം സ്വദേശി അമീറിനെ വിയ്യൂര്‍ സെന്‍ട്രല്‍ ജയിലിലേക്കു മാറ്റി. കനത്ത പൊലിസ് സുരക്ഷയോടെയാണ് അമീറിനെ ജയിലിലെത്തിച്ചത്.

വധശിക്ഷയ്ക്ക് വിധിക്കപ്പെട്ടവരെ പാര്‍പ്പിക്കുന്ന അതീവ സുരക്ഷയുള്ള സി ബ്ലോക്കിലാണ് അമീറിനെ താമസിപ്പിച്ചിരിക്കുന്നത്. സി. ബ്ലോക്കിലെ രണ്ടാമത്തെ സെല്ലില്‍ 3898 എന്ന നമ്പറിലാണ് ജയില്‍ രേഖകളില്‍ അമീര്‍ അറിയപ്പെടുക.