കൊച്ചി:തൃപ്പൂണിത്തുറയില്‍ അര്‍ധരാത്രി വീട്ടുകാരെ കെട്ടിയിട്ട് വന്‍കവര്‍ച്ച. അന്‍പതു പവന്‍ സ്വര്‍ണവും 20,000 രൂപയുമടക്കമുള്ള വസ്തുവകകള്‍ കവര്‍ന്നു.

ഹില്‍പാലസിനടുത്ത് അനന്തകുമാര്‍ എന്നയാളുടെ വീട്ടിലാണ് കവര്‍ച്ച നടന്നത്. തമിഴ്‌നാട്ടുകാരടങ്ങുന്ന പത്തംഗസംഘമാണ് കവര്‍ച്ച നടത്തിയത്.

വീട്ടുകാരെ മര്‍ദിച്ചും കെട്ടിയിട്ടുമായിരുന്നു മോഷണം. ആക്രമണത്തില്‍ തലയ്ക്ക് അടിയേറ്റ് ഗൃഹനാഥനും കുടുംബാംഗങ്ങള്‍ക്കും പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.

അതേസമയം, ഇന്നലെ അര്‍ധരാത്രി കൊച്ചി നഗരമധ്യത്തില്‍ വീട്ടില്‍ കയറി വയോധികരായ ദമ്പതികളെ ആക്രമിച്ചു സ്വര്‍ണാഭരണങ്ങള്‍ കവര്‍ന്നിരുന്നു.