ശ്രീനഗര്‍: നൗഹാട്ടയിലുണ്ടായ തീവ്രവാദികളുമായുള്ള ഏറ്റുമുട്ടലില്‍ ഒരു സി.ആര്‍.പി എഫ് ഉദ്യോഗസ്ഥന്‍ കൊല്ലപ്പെട്ടു. 10 സൈനികര്‍ക്ക് പരുക്കേറ്റിട്ടുണ്ട്. തീവ്രവാദികളും സൈനികരുമായുള്ള ഏറ്റുമുട്ടല്‍ തുടരുകയാണ്.

സ്വാതന്ത്ര്യദിനത്തില്‍ ഉയര്‍ന്ന സുരക്ഷാ ക്രമീകരണങ്ങളാണ് കശ്മീരില്‍ ഒരുക്കിയിരിക്കുന്നത്. ചെങ്കോട്ടയില്‍ പ്രധാനമന്ത്രി നരേന്ദ്രമോദിയുടെ സ്വാതന്ത്രദിന പ്രസംഗം നടക്കുമ്പോഴാണ് ഇവിടെ ആക്രമണമുണ്ടായത്. പ്രസംഗത്തില്‍ പ്രധാനമന്ത്രി പാകിസ്താന് ശക്തമായ മുന്നറിയിപ്പ് നല്‍കിയിരുന്നു.

അതേ സമയം നിയന്ത്രണ രേഖയ്ക്ക് സമീപം ഉറി സെക്ടറില്‍ നുഴഞ്ഞു കയറാന്‍ ശ്രമിച്ച രണ്ടു ഭീകരരെ സൈന്യം വധിച്ചു