ഭോപ്പാല്‍: മുന്‍കേന്ദ്രമന്ത്രിയും കോണ്‍ഗ്രസ് നേതാവുമായ കമല്‍നാഥിനു നേരെ പൊലിസ് കോണ്‍സ്റ്റബിള്‍ തോക്കുചൂണ്ടി. ഛിന്ദ്്‌വാര വിമാനത്താവളത്തില്‍ യാത്രക്കായി എത്തിയപ്പോഴാണ് ലോക്‌സഭാംഗം കൂടിയായ കമല്‍നാഥിനു നേരെ പൊലിസ് കോണ്‍സ്റ്റബിള്‍ തോക്ക് ചൂണ്ടിയത്. മധ്യപ്രദേശ് പൊലിസിലെ രത്‌നേഷ് പവാര്‍ എന്ന കോണ്‍സ്റ്റബിളാണ് കമല്‍നാഥിനു നേരെ തോക്കു ചൂണ്ടിയത്. ഇത് കണ്ടതോടെ അദ്ദേഹത്തിന്റെ അംഗരക്ഷകര്‍ കോണ്‍സ്റ്റബിളിനെ കീഴടക്കിയാണ് കമല്‍നാഥിനെ ആക്രമണത്തില്‍ നിന്ന് രക്ഷിച്ചത്.