അഹമ്മദാബാദ്: ഗുജറാത്തില്‍ രണ്ടാംഘട്ട നിയമസഭാ തെരഞ്ഞെടുപ്പ് നടന്ന നാല് നിയമസഭാ മണ്ഡലങ്ങളിലെ ആറ് ബൂത്തുകളില്‍ ഇന്ന് വീണ്ടും പോളിങ് നടക്കും. വിരാംഗം, സാവ്്‌ലി എന്നീ മണ്ഡലങ്ങളില്‍ രണ്ടുവീതം ബൂത്തുകളിലും വാദ്ഗാം, ദസ്‌ക്രോയി എന്നീ മണ്ഡലങ്ങളിലെ ഓരോ ബൂത്തുകളിലുമാണ് റീ പോളിങ് നടത്തുന്നത്.
അതേസമയം വീണ്ടും പോളിങ് നടത്തുന്നതിനുള്ള കാരണമെന്താണെന്ന് തെരഞ്ഞെടുപ്പ് കമ്മിഷന്‍ അറിയിച്ചിട്ടില്ല.
ദലിത് നേതാവ് ജിഗ്നേഷ് മേവാനി ജനവിധി തേടിയ മണ്ഡലമാണ് വാദ്ഗാം. റീ പോളിങ്ങിന് പുറമെ പത്ത് ബൂത്തുകളില്‍ വി.വി പാറ്റ് യന്ത്രത്തിലെ സ്‌ളിപ്പുകള്‍ കൂടി എണ്ണും. പ്രിസൈഡിങ് ഓഫിസര്‍മാര്‍ മോക് പോള്‍ വിവരങ്ങള്‍ വോട്ടിങ് യന്ത്രങ്ങളില്‍ നിന്ന് നീക്കം ചെയ്യാതിരുന്ന സാഹചര്യത്തിലാണ് ഇത്.