കോഴിക്കോട്: സുപ്രഭാതം സീനിയര്‍ റിപ്പോര്‍ട്ടര്‍ വി.എം ഷണ്‍മുഖദാസിനെ വനംവകുപ്പ് ഉദ്യോഗസ്ഥന്‍ ഭീഷണിപ്പെടുത്തിയ സംഭവത്തില്‍ കേരളാ പത്രപ്രവര്‍ത്തക യൂണിയന്‍ സുപ്രഭാതം സെല്‍ സംസ്ഥാന പ്രസിഡന്റ് ജലീല്‍ അരൂക്കുറ്റിയും സെക്രട്ടറി ഇ.പി മുഹമ്മദും പ്രതിഷേധിച്ചു.
സംഭവം അന്വേഷിച്ച് കുറ്റക്കാര്‍ക്കെതിരേ നടപടിയെടുക്കണം. അട്ടപ്പാടിയില്‍ വനത്തിലൂടെ റോഡ് വെട്ടുന്നത് സംബന്ധിച്ച് വിവരങ്ങള്‍ ശേഖരിക്കാന്‍ ഫോണില്‍ വിളിച്ചപ്പോഴാണ് ഡെപ്യൂട്ടി റെയ്ഞ്ച് ഓഫിസര്‍ ഭീഷണിപ്പെടുത്തിയത്.
മാധ്യമപ്രവര്‍ത്തകര്‍ക്കുനേരെയുള്ള ഇത്തരം കടന്നാക്രമണങ്ങള്‍ കേരളത്തില്‍ വര്‍ധിക്കുകയാണ്. ഉത്തരവാദപ്പെട്ടവര്‍ മൗനംപാലിക്കുമ്പോഴാണ് ചില ഉദ്യോഗസ്ഥര്‍ക്ക് എന്തും ആവാമെന്ന തോന്നലുണ്ടാവുന്നതെന്നും അവര്‍ പറഞ്ഞു.