നെടുങ്കണ്ടം: സി.പി.എം നെടുങ്കണ്ടം ഏരിയാ സമ്മേളനത്തോട് അനുബന്ധിച്ച് സ്ഥാപിച്ച ഫ്‌ലക്‌സ് ബോര്‍ഡില്‍ ഉത്തരകൊറിയന്‍ സ്വേച്ഛാധിപതി കിം ജോങ് ഉന്നിന്റെ ചിത്രം. സി.പി.എം പാമ്പാടുംപാറ ലോക്കല്‍ കമ്മിറ്റിയാണ് ഏരിയാ സമ്മേളനത്തോടനുബന്ധിച്ച് കിം ജോങ് ഉന്നിന്റെ ചിത്രം പതിച്ച ബോര്‍ഡ് താന്നിമൂടിന് സമീപം സ്ഥാപിച്ചത്.

ലോക കമ്യൂണിസ്റ്റ് നേതാക്കളുടെ ചിത്രങ്ങള്‍ പലസ്ഥലത്തും പ്രദര്‍ശിപ്പിച്ചിട്ടുണ്ടെങ്കിലും കിം ജോങ് ഉന്നിന്റെ ചിത്രമാണ് ഇപ്പോള്‍ സംസാരവിഷയമായിരിക്കുന്നത്. സ്വന്തം കുടുംബാംഗങ്ങളെ പോലും ക്രൂരമായി കൊല ചെയ്ത ഉന്നിന്റെ ചിത്രം സമ്മേളനത്തിന്റെ പ്രചരണാര്‍ഥം സ്ഥാപിച്ചത് പാര്‍ട്ടിപ്രവര്‍ത്തകര്‍ക്കിടയിലും സമ്മേളന പ്രതിനിധികള്‍ക്കിടയിലും കടുത്ത അമര്‍ഷത്തിന് കാരണമായിട്ടുണ്ട്.