റിയോ ഡി ജെനീറോ: ഇന്ത്യയുടെ ഒളിംപിക്‌സ് മെഡല്‍ നേട്ടം ഇനിയും അകലെ. പുരുഷന്‍മാരുടെ ട്രിപ്പിള്‍ ജംപില്‍ മലയാളിതാരം രഞ്ജിത് മഹേശ്വരിക്കു ഫൈനലില്‍ കടക്കാനായില്ല. 45 പേര്‍ മത്സരിച്ചപ്പോള്‍ 30-ാം സ്ഥാനത്താണ് രഞ്ജിത് ഫിനിഷ് ചെയ്തത്. ആദ്യ ്രശമത്തില്‍ 15.80 മീറ്റര്‍, തുടര്‍ന്ന് 16.13, അവസാന ശ്രമത്തില്‍ 15.99 എന്നിങ്ങനെയായിരുന്നു രഞ്ജിത്തിന്റെ ചാട്ടങ്ങള്‍. ഫൈനല്‍ യോഗ്യത നേടുന്നതിനായി 16.95 മീറ്ററായിരുന്നു രഞ്ജിത്തിന്റെ ലക്ഷ്യം.

അതേസമയം, ബാഡ്മിന്റന്‍ പുരുഷ വിഭാഗം സിംഗിള്‍സില്‍ പി ശ്രീകാന്ത് ക്വാര്‍ട്ടര്‍ ഫൈനലില്‍ കടന്നു. പ്രീ ക്വാര്‍ട്ടറില്‍ ലോക അഞ്ചാം നമ്പര്‍ ഡെന്‍മാര്‍ക്കിന്റെ ഴാന്‍ ഒ ജോര്‍ഗെന്‍സണിനെയാണ് ശ്രീകാന്ത് പരാജയപ്പെടുത്തിയത്. നേരിട്ടുള്ള ഗെയിമുകള്‍ക്കായിരുന്നു ശ്രീകാന്തിന്റെ ജയം. സ്‌കോര്‍: 21-19, 21-19.

എന്നാല്‍ ഗുസ്തിയില്‍ തുടക്കത്തില്‍ തന്നെ കല്ലുകടി നേരിട്ടു. പുരുഷന്‍മാരുടെ 85 കിലോ വിഭാഗത്തില്‍ ഇന്ത്യയുടെ രവീന്ദര്‍ ഖത്രി തോല്‍വി വഴങ്ങി. ഹംഗറിയുടെ താരത്തോടായിരുന്നു ഖത്രി േതാല്‍വി വഴങ്ങിയത്.