ഹൈദരാബാദ്: മന്ത്രിയാവാന്‍ അടിസ്ഥാന വിദ്യാഭ്യാസ യോഗ്യത നിര്‍ണയിക്കണമെന്ന് മുന്‍ തെരഞ്ഞെടുപ്പ് കമ്മിഷണര്‍ ടി.എസ് കൃഷ്ണമൂര്‍ത്തി. പ്രായ പരിധിയും മന്ത്രിയാവാന്‍ മാനദണ്ഡമായി സ്വീകരിക്കണം. കേന്ദ്ര,സംസ്ഥാന മന്ത്രിയാവാന്‍ നിലവില്‍ 25 വയാസാണ് പ്രായ പരിധിയയെന്നും ഇത് 35 ആയി ഉയര്‍ത്തണമെന്ന് കൃഷ്ണമൂര്‍ത്തി പറഞ്ഞു. 

വിദ്യാഭ്യാസം ഒരാളെ നല്ല വ്യക്തിയായി മാറ്റുമെന്ന് കരുതുന്നില്ലെന്നും എന്നാല്‍ മന്ത്രിമാര്‍ക്ക് അടിസ്ഥാന വിദ്യാഭ്യാസം ഉണ്ടെങ്കില്‍ മികച്ച തീരുമാനങ്ങള്‍ സ്വീകരിക്കാനും ഫയലുകള്‍ പരിശോധിക്കാനും സാധ്യമാവും. നിയമ നിര്‍മാണ സഭകളിലെ പ്രതിനിധികള്‍ക്ക് വിദ്യാഭ്യാസ യോഗ്യത വേണമെന്ന ആവശ്യമില്ല.
എന്നാല്‍ പ്രായ പരിധി മികച്ച രാഷ്ട്രീയക്കാരനാക്കും. 35 വയസ് പകത്വയെത്താനുള്ള പ്രയമാണ്. ചില മന്ത്രിമാര്‍ അനാവശ്യമായ പ്രസ്താവനകള്‍ നടത്തുന്നതിന്റെ പിന്നില്‍ പ്രായവും ഒരു കാരണമാണ്.
ഏറ്റവും ചുരുങ്ങിയ അടിസ്ഥാന യോഗ്യത ബിരുദമായിട്ടെങ്കിലും നിജപ്പെടുത്തണമെന്ന് കൃഷ്ണമൂര്‍ത്തി പറഞ്ഞു.