മനില: ഫിലിപ്പൈന്‍സില്‍ കനത്ത കാറ്റിലും മഴയിലും ശക്തമായ ഉരുള്‍പൊട്ടല്‍. ഫിലിപ്പൈന്‍സിന്റെ തെക്കന്‍ ഉപദ്വീപായ ബിലിറാനിലുണ്ടായ ദുരന്തത്തില്‍ 26 പേര്‍ മരിച്ചു. കാണാതായ നിരവധി പേര്‍ക്കായി തിരച്ചില്‍ തുടരുകയാണ്.
ബിലിറാനിലെ നാല് നഗരങ്ങളിലാണ് ഉരുള്‍പൊട്ടലുണ്ടായത്. കഴിഞ്ഞ ഏതാനും ദിവസങ്ങളിലായി ദ്വീപില്‍ ശക്തമായ കാറ്റ് ആഞ്ഞുവീശിയതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. 23ഓളം പേരെ കാണാതായതായാണ് ഔദ്യോഗിക കണക്ക്. 87,000ത്തോളം പേരെ ഗ്രാമങ്ങളില്‍നിന്ന് മറ്റു ഭാഗങ്ങളിലേക്ക് മാറ്റിപ്പാര്‍പ്പിച്ചിട്ടുണ്ട്.
15,000ത്തോളം യാത്രക്കാര്‍ വിവിധ ഭാഗങ്ങളിലായി കുടുങ്ങിക്കിടക്കുന്നതായി ദുരന്ത നിവാരണ സേന അറിയിച്ചു.
ഫിലിപ്പൈിന്‍സ് പ്രസിഡന്റ് റോഡ്രിഗോ ഡ്യുറ്റെര്‍റ്റെ ദുരന്ത സ്ഥലങ്ങള്‍ സന്ദര്‍ശിച്ചു.