തിരുവനന്തപുരം: വണ്ണാര്‍ സര്‍വിസ് സൊസൈറ്റി 43ാം സംസ്ഥാന സമ്മേളനവും പുരസ്‌കാര വിതരണവും സംസ്ഥാന പ്രസിഡന്റ് സദാനന്ദന്‍ ഉദ്ഘാടനം ചെയ്തു. ജില്ലാ പ്രസിഡന്റ് വി. മണി അധ്യക്ഷനായി.
വണ്ണാര്‍ സര്‍വിസ് സൊസൈറ്റിയുടെ ജീവല്‍ സ്‌നേഹ പുരസ്‌കാരം വാവാ സുരേഷിന് സമ്മാനിച്ചു. ഇന്ത്യന്‍ ദലിത് ഫെഡറേഷന്‍ സംസ്ഥാന പ്രസിഡന്റ് ബാര്‍ട്ടന്‍ഹില്‍ ശശിധരന്‍, പട്ടികജാതി മഹാജനസഭ ജില്ലാസെക്രട്ടറി ബി. ശശാങ്കന്‍, വി.എസ്.എസ് വര്‍ക്കിങ് പ്രസിഡന്റ് സി. ശശി, കൊല്ലം ജില്ലാ പ്രസിഡന്റ് ജി. സത്യശീലന്‍, എറണാകുളം ജില്ലാ സെക്രട്ടറി എം.കൃഷ്ണകുമാര്‍, വനിതാവിങ് സെക്രട്ടറി വിജയ സംസാരിച്ചു. ജനറല്‍ സെക്രട്ടറി എ. മധുസൂദനന്‍ സ്വാഗതവും സംസ്ഥാന സമ്മേളന കണ്‍വീനര്‍ സന്തോഷ് കുമാര്‍ നന്ദിയും പറഞ്ഞു. പാളയം രക്തസാക്ഷി മണ്ഡപത്തില്‍ നിന്ന് ആരംഭിച്ച പ്രകടനത്തിന് ശേഷമാണ് പൊതുസമ്മേളനം നടന്നത്.