ധാക്ക: പെണ്‍കുട്ടികളുടെ സാഫ് അണ്ടര്‍ 15 ഫുട്‌ബോള്‍ പോരാട്ടത്തിലെ ആദ്യ മത്സരത്തില്‍ ഇന്ത്യക്ക് തകര്‍പ്പന്‍ ജയം. മറുപടിയില്ലാത്ത മൂന്ന് ഗോളുകള്‍ക്ക് ഇന്ത്യ ഭൂട്ടാനെ പരാജയപ്പെടുത്തി.
ഏകപക്ഷീയമായി മാറിയ പോരാട്ടത്തില്‍ കൃതിന, പ്രിയങ്ക, പ്രതീക്ഷ എന്നിവരാണ് ഇന്ത്യക്കായി വല ചലിപ്പിച്ചത്. കളിയുടെ ആദ്യ പകുതിയില്‍ തന്നെ മൂന്ന് ഗോളുകള്‍ വലയിലാക്കി ഇന്ത്യ വിജയമറുപ്പാക്കിയിരുന്നു. കളി തുടങ്ങി നാലാം മിനുട്ടില്‍ കൃതിനായാണ് ഗോളടിക്ക് തുടക്കമിട്ടത്. 11ാം മിനുട്ടില്‍ പ്രിയങ്ക രണ്ടാം ഗോളും 19ാം മിനുട്ടില്‍ പ്രതീക്ഷ മൂന്നാം ഗോളും നേടി പട്ടിക തികച്ചു.
ജയത്തോടെ മൂന്ന് പോയിന്റ് സ്വന്തമാക്കിയ ഇന്ത്യ നാളെ രണ്ടാം മത്സരത്തില്‍ നേപാളുമായി ഏറ്റുമുട്ടും.