ഗ്യാലക്‌സി എസ് 8 നു പിന്നാലെ എസ്.9 വേരിയന്‍ുകള്‍ പുറത്തിറക്കാനുള്ള തയ്യാറെടുപ്പിലാണ് സാംസങ്. എസ് 9, എസ്.9 പ്ലസ് സ്മാര്‍ട്‌ഫോണുകളെക്കുറിച്ച് നിരവധി അഭ്യൂഹങ്ങളാണ് പുറത്തുവന്നുകൊണ്ടിരിക്കുന്നത്. സിംഗിള്‍ കാമറ ഡിസൈനായിരിക്കും എസ്.9 ന് നല്‍കുന്നതെന്നാണ് ഇതു സംബന്ധിച്ച പുതിയ റിപ്പോര്‍ട്ട്.

ബാഴ്‌സിലോനയിലെ ലോക മൊബൈല്‍ കോണ്‍ഗ്രസിലായിരിക്കും ഈ ഫോണുകള്‍ ഇറക്കുക എന്നാണ് ഇപ്പോള്‍ പുറത്തുവരുന്ന വിശേഷം. ബ്ലൂബെര്‍ഗിന്റെ റിപ്പോര്‍ട്ട് പ്രകാരം അടുത്ത മാര്‍ച്ച് ആദ്യത്തോടെ സാംസങ്ങ് ഗ്യാലക്‌സി എസ്9, എസ്9 പ്ലസ് എന്നിവ വിപണിയില്‍ എത്തും.

എസ് 8 ല്‍ നിന്നും വലിയ മാറ്റങ്ങളൊന്നുമില്ലാതെയാണ് പുതിയ സ്മാര്‍ട്‌ഫോണിന്റെ രൂപകല്‍പ്പന എന്നാണ് എസ്.9 ന്റെതായി പുറത്തുവന്നിരിക്കുന്ന പുതിയ ചിത്രങ്ങളില്‍ നിന്നും നമുക്ക് മനസിലാക്കാന്‍ സാധിക്കുന്നത്. വിലയിലും വലിയ വ്യത്യാസങ്ങളുണ്ടായിരിക്കില്ല. ഗ്യാലക്‌സി എസ്.8 ലോഞ്ചിംഗ് സമയത്ത് ഇന്ത്യയിലെ വില 57,990 ആയിരുന്നു. ഗ്യാലക്‌സി എസ്.8 പ്ലസിന് 64,990 രൂപയും. അതിന് സമാനമായിരിക്കും എസ്.9, എസ്.9 പ്ലസ് വില എന്നാണ് പ്രതീക്ഷിക്കപ്പെടുന്നത്.