കൊണ്ടോട്ടി: തിരക്കഥാകൃത്തും എഴുത്തുകാരനുമായ അന്തരിച്ച ടി.എ റസാഖിന്റെ മൃതദേഹം ഖബറടക്കി. സ്വദേശമായ കൊണ്ടോട്ടിയിലെ തുറക്കല്‍ ജുമാമസ്ജിദിലായിരുന്നു ഖബറടക്കം.

രാഷ്ട്രീയ രംഗത്തുനിന്നും ചലച്ചിത്ര രംഗത്തുനിന്നും നിരവധി പ്രമുഖര്‍ സംസ്‌കാരചടങ്ങില്‍ സംബന്ധിച്ചു. സാധാരണക്കാരായ നിരവധിയാളുകളും പങ്കെടുത്തു.

ഇന്നലെ കൊച്ചിയിലെ സ്വകാര്യ ആശുപത്രിയില്‍ വച്ചായിരുന്നു അന്ത്യം. കരള്‍ രോഗത്തെ തുടര്‍ന്ന് ചികില്‍സയിലായിരുന്നു ടി.എ റസാഖ്. 30ഓളം സിനിമകള്‍ക്ക് തിരക്കഥയെഴുതിയ റസാഖ് നാലു തവണ സംസ്ഥാന പുരസ്‌കാരത്തിന് അര്‍ഹനായിട്ടുണ്ട്.