ന്യൂഡല്‍ഹി: ഗുജറാത്തിലും ഹിമാചല്‍ പ്രദേശിലും ബി.ജെ.പി നേടിയത് സദ്ഭരണത്തിന്റെ വിജയമാണെന്ന് പ്രധാനമന്ത്രി നരേന്ദ്ര മോദി. വികസനത്തിനുള്ള ഒരു അവസരവും പാഴാക്കിയില്ല.
രണ്ട് സംസ്ഥാനങ്ങളിലെയും ജനങ്ങള്‍ അര്‍പ്പിച്ച വിശ്വാസം കാക്കുമെന്നും മോദി പറഞ്ഞു. ജനങ്ങള്‍ക്കായി അക്ഷീണം പ്രയത്‌നിക്കും. വിജയങ്ങള്‍ക്ക് പിന്നില്‍ കഠിനാധ്വാനം ചെയ്ത ബി.ജെ.പി പ്രവര്‍ത്തകരെ അഭിനന്ദിക്കുന്നുവെന്നും മോദി ട്വിറ്ററില്‍ കുറിച്ചു.
ബി.ജെ.പിയെ സ്‌നേഹിക്കുകയും പാര്‍ട്ടിയില്‍ വിശ്വാസം അര്‍പ്പിക്കുകയും ചെയ്ത ഗുജറാത്തിലെയും ഹിമാചലിലേയും ജനങ്ങള്‍ക്ക് മുന്‍പില്‍ തലകുനിക്കുന്നു.
ഇരു സംസ്ഥാനങ്ങളിലും എല്ലാ തരത്തിലുള്ള വികസന പ്രവര്‍ത്തനങ്ങളും നടപ്പാക്കുമെന്നു മോദി പറഞ്ഞു.