മലപ്പുറം: സംസ്ഥാനത്തെ സ്‌കൂളുകളില്‍ കുട്ടികളെ കൊണ്ടുവരാന്‍ ഉപയോഗിക്കുന്ന വാഹനങ്ങളുടെയും ജീവനക്കാരുടെയും വിവരം ശേഖരിക്കുന്നു. തൊഴില്‍ വകുപ്പ് മന്ത്രിയുടെ നിര്‍ദേശപ്രകാരം വിദ്യാഭ്യാസ വകുപ്പിന്റെ സഹകരണത്തോടെയാണ് സംസ്ഥാന വ്യാപകമായി അടിയന്തര വിവര ശേഖരണം നടത്തുന്നത്്. ഒരോ ജില്ലാ, ഉപജില്ലാ വിദ്യാഭ്യാസ ഓഫിസര്‍മാരും അവരുടെ അധികാര പരിധിയിലുള്ള സ്‌കൂളുകളിലെ വാഹനങ്ങളുടെ എണ്ണം, അതില്‍ ജോലി ചെയ്യുന്ന ഡ്രൈവര്‍മാര്‍, മറ്റു ജീവനക്കാര്‍ എന്നിവരുടെ എണ്ണമാണ് ശേഖരിക്കുന്നത്. സര്‍ക്കാര്‍, എയ്ഡഡ്്, അണ്‍ എയ്ഡഡ് എന്നിവ വേര്‍തിരിച്ച് നല്‍കണമെന്നും നിര്‍ദേശമുണ്ട്്.