തിരുവനന്തപുരം: പ്ലസ് ടു പാസായവര്‍ക്ക് മാത്രമേ ഇനി മുതല്‍ പൊലിസ് ആകാന്‍ കഴിയൂ. സിവില്‍ പൊലിസ് ഓഫിസര്‍ തസ്തികയ്ക്ക് വിദ്യാഭ്യാസ യോഗ്യത പത്താം തരത്തില്‍ നിന്ന് പ്ലസ് ടു ആക്കിയും പ്രായപരിധി 25ല്‍ നിന്ന് 26 ആക്കിയും ആഭ്യന്തര വകുപ്പ് അഡീഷണല്‍ ചീഫ് സെക്രട്ടറി സുബ്രതാ ബിശ്വാസ് ഉത്തരവിറക്കി.
സിവില്‍ പൊലിസ് ഓഫിസര്‍ തസ്തികയ്ക്ക് അപേക്ഷിക്കുന്ന പുരുഷന്മാര്‍ക്ക് ഉയരം 167ല്‍ നിന്ന് 168ആക്കിയും വനിതകള്‍ക്ക് 152ല്‍ നിന്ന് 157 ആക്കിയും ഉയര്‍ത്തിയിട്ടുമുണ്ട്.
ഈ ഉത്തരവിന്റെ അടിസ്ഥാനത്തിലായിരിക്കും സിവില്‍ പൊലിസ് ഓഫിസര്‍ തസ്തികകളിലേക്ക് ഇനി പി.എസ്.സി അപേക്ഷ ക്ഷണിക്കുക.